Azərbaycan Dövlət statistika komitəsinin fəaliyyətinin normativ-hüquqi əsaslarının təkmilləşdirilməsi məqsədilə ölkə prezidenti İlham Əliyevin 24 noyabr tarixli fərmanı ilə Dövlət statistika komitəsinin (DSK) əsasnaməsi təsdiq olunub və həmin gün, noyabrın 24-də qüvvəyə minib.Dövlət statistika komitəsinin sədri Arif Vəliyev Trend ə bildirib ki, ölkə prezidenti tərəfindən təsdiq olunmuş əsasnamə bundan öncə Nazirlər Kabineti tərəfindən təsdiq edilmiş əsasnamə ilə müqayisədə Dövlət statistika komitəsinin statusunu dəyişmir.
"Eyni zamanda yeni əsasnamə Dövlət statistika komitəsinin səlahiyyətlərini digər ölkələr və beynəlxalq təşkilatlarla əməkdaşlıq çərçivəsində əhəmiyyətli dərəcədə genişləndirir.Əsasnamə avtomatlaşdırılmış informasiya sistemlərinin tətbiqi, beynəlxalq uçot və statistika standartlarına keçidi nəzərdə tutur. DSK fiziki şəxslərdən statistik informasiya və hesabat əldə etmək hüququ alıb ki, bu da özəl sektor statistikasını xeyli genişləndirir. DSK ilk dəfə statistik hesabatların və informasiyaların satışı hüququnu alıb.Vəsaitlər dövlət büdcəsinə köçürüləcək" -deyə A.Vəliyev bildirib. DSK-nın ştat cədvəli dəyişməyəcək.
AR nazirlər Kabinetində Trend ə bildirilib ki, DSK-nın əsasnaməsinin yeniləşdirilməsi onun fəaliyyətinin hüquqi əsaslarının yaxınlaşdırılmasına yönəlib. "İlkin olaraq 1994-cü ildə qəbul edilmiş "Statistika haqqında" qanunun yeniləşdirilməsi perspektivlərinə baxılıb, amma iş prosesində qanunu dəyişdirmədən DSK-nın əsasnaməsinin yeniləşdirilməsi qərara alınıb" -deyə Nazirlər Kabinetində bildirilib.
