Bu ilin mart ayında Azərbaycanın Nəqliyyat Nazirliyi Dünya Bankının krediti çərçivəsində Ələt-Astara avtomobil magistralının bir hissəsinin (22 km) yenidən qurulması üzrə podratçı şirkətin müəyyən edilməsi ilə bağlı tender keçirmək niyyətindədir. Bu barədə Trend ə Nəqliyyat Nazirliyindən məlumat verilib. Hazırda Nəqliyyat Nazirliyinin "Yolnəqliyyatservis" departamenti predkvalifikasiya tenderi keçirir. O tenderdə iştirak edəcək şirkətləri müəyyən edəcək.
Yanvarın 17-də DB-nın Direktorlar Şurası Azərbaycan üçün iki - Ələt-Astara və Bakı-Şamaxı avtomobil magistrallarının yenidənqurulması üçün $200 mln məbləğində krediti təsdiqləyib. Kredit 4 illik güzəşt dövrü və libor+0,5% faiz dərəcəsi ilə 20 illiyə ayrılıb. Ələt-Astara yollarının yenidən qurulma sı üçün İran hökuməti daha $40 mln vəsait ayıracaq.