CredAgro qeyri-bank kredit təşkilatının kredit portfeli $5,5 mln-dək genişlənib. Bu beynəlxalq təşkilatın regional nümayəndəsi Eldar Cəfərovun Trend ə verdiyi məlumata görə, CredAgro ABŞ Beynəlxalq Agentliyinin (USAİD) ayırdığı qrantdan başqa, İsveçrənin Dexia / Blue Orchard Makromaliyyələşdirmə Fondunun da kredit ehtiyatları hesabına maliyyələşdirmə işləri həyata keçirir. CredAgro Azərbaycanda İsveçrə bankının maliyyələşdirdiyi və fondla 3 il müddətinə $1 mln kreditin ayrılmasına dair sövdələşmə bağlamış birinci qeyri-bank kredit təşkilatıdır.
CredAgro və Dexia / Blue Orchard arasında 1 il müddətinə $800 min vəsaitin ayrılmasına dair sövdələşmə 2005-ci ilin noyabrında bağlanıb.
Fondun kredit ehtiyatları respublikada kiçik və orta biznesin maliyyələşdirilməsi üçün nəzərdə tutulub. Bu gün CredAgro-nun fəaliyyəti regionlarda layihələrin maliyyələşdirilməsinə yönəldilib və 20 rayonu əhatə edir. Bununla əlaqədar təşkilat 9 nümayəndəlik yaradıb. Maliyyələşdirmə sahələri müxtəlifdir (kənd təsərrüfatı, ticarət əməliyyatları, infrastruktur, lizinq və s.). Kreditlər illik 22-24%-lə 2 müddətinə verilir.