AYİB dövlət banklarının özəlləşdirilməsində iştirakı yalnız Azərbaycan hökuməti tərəfindən onun şərtlərinin yerinə yetiriləcəyi zaman qəbul edə bilər. Trend in verdiyi məlumata görə, bu barədə aprelin 11-də Avropa Bankının prezidenti mətbuat konfransında bəyan edib.
"Dövlət banklarının özəlləşdirilməsi barədə qərarı Azərbaycan hökuməti qəbul edir, lakin biz eyni zamanda bank sektorunda rəqabəti dəstəkləyirik. Hazırki səfər zamanı bizim bank sektorundakı vəziyyətlə bağlı yaxşı müzakirələrimiz olsa da, özəlləşdirmə ilə bağlı məsələlər müzakirə olunmadı", - deyə J.Lemyer bildirib.
Onun sözlərinə görə, "hazırda biz Azərbaycan hökumətinin dəstəyini şirkətlərə necə uyğunlaşdıra biləcəyimizi və inqtisadi inkişaf naziri Heydər Babayevlə müzakirələrin mövzusu olan bu prosesdə bankların rolu barədə fikirləşirik. Onlar bu istisqamətdə müzakirələri genişləndirməyi qərara alıblar. Bu zərurət, bəzi ehtimallara görə, investisiya şirkəti tərəfindən yaradılan güzəşt ehtiyatları ilə bağlı yaxşı müştərilərə malik olmağa imkan verəcəyi ilə bağlıdır, lakin "biz düzgün yolu tapmaq istəyirik". Həm də AYİB digər ölkələrlə oxşar təcrübəyə malikdir.
J.Lemyer həm də Azərbaycanın Bank of Baku bankı ilə danışıqlara, AYİB-in hələ ötən il təklif etdiyi 25%+1 səhm paketinin əldə olunmasına da münasibətini bildirib. "Bank of Baku ilə əməkdaşlıq davam etdiriləcək. Biz bank sektorunun dəsətklənməsi ilə bağlı öz üzərimizə öhdəlik götürmüşük. Hazırda bu bankla danışıqlar aparılır və onlar müsbətdir. Biz hələ razılıq əldə etməmişik, lakin yaxın vaxtlarda bu baş verəcək", - deyə AYİB-in prezidenti bildirib.
