Beynəlxalq Valyuta Fondunun (BVF) Yaxın Şərq və Mərkəzi Asiya üzrə missiyasının rəhbəri Vitali Kramarenko 2006-cı ilin sonuna kimi Azərbaycanda istehlak inflyasiyasının ikirəqəmli olacağını hesab edir. Trend in verdiyi xəbərə görə, onun fikrincə, Milli Bank valyuta və faiz siyasəti ilə bağlı kifayət qədər çevik olmalı və sterilləşdirilmiş alətlərdən maksimum istifadə etməlidir. Bu halda əgər hökumət yardım edərsə, o zaman inflyasiya ikiqiymətli rəqəmə yaxınlaşa bilər.
"İnflyasiyanın proqnozu həmçinin, dövlət xərclərinin və digər amillərin necə mənimsəniləcəyindən asılıdır. Burada MB kifayət qədər çevik olması və alət müstəqiliyinə malik olmasından və hökumətin lazım olduğu vaxt yardım etməsindən çox şey asılıdır", - deyə V.Kramarenko bildirib.
O hesab edir ki, hökumət neft sektorundan artmaqda olan gəlirləri zərurət yarandığı halda yerli bazarda valyuta satışına yönəltməlidir. Bununla əlaqədar, inflyasiyanın sürəti ilə bağlı məqsədlərə çatmaq üçün xərcləri azaltmaq zəruridir. İnflyasiya problemi onun qeyri-müəyyənliyi, eləcə də xərclərdən və xarici təsirlərdən - kursların dəyişməsi, sənaye ehtiyatlarının qiyməti, kapital axını ilə bağlıdır.
Onun sözlərinə görə, hökumət inflyasiyadakı 5-6%-ə qədər bəzi yavaşımalara istinad edərək bir qədər başqa mövqe tutmalıdır. O, pul-kredit göstəricilərinin inflyasiya tədbirlərini daha gec mərhələlərdə tətbiq etməyə imkan verir. Risqlərin azaldılması üçün hökumət qısamüddətli notların və dövlət qısamüddətli istiqrazların emissiyalarının artırılmasını planlaşdırır.
"Əgər bu tədbirlər likvidliyin artımının qarşısını ala bilməzsə, hökumət BVF-yə müraciət etməlidir", - deyə V.Kramarenko bildirib.