Bu gün Xəzər Dəniz Gəmiçilik İdarəsinin sifarişi ilə Rusiyanın "Krasnoe Sormovo" (Nijni Novqorod) gəmiqayırma zavodunda inşa edilən "Koroğlu" gəmisində Azərbaycanın bayrağı qaldırılacaq. Bu barədə Trend ə Gəmiçilikdən məlumat verilib. Bundan sonra gəminin təhvil-təslimi haqqında sənədlər imzalanacaq və gəmi Bakıda qeydiyyat limanına yola salınacaq.
XDGİ 13 min ton tutumlu dördüncü tankeri iyulun 20-də alacaq.
Gəmiçilik sonuncu - beşinci tankeri naviqasiyanın sonunda, cari ilin oktyabr-noyabr aylarında əldə edəcək. "Dədə Qorqud" adlı bu gəmi artıq gəmiqayırma müəssisəsində suya buraxılıb.
Hökumətdən bildirilib ki, bu gəmilərin Rusiyanın daxili suları ilə çatdırılması zamanı xüsusi icazənin alınmasına ehtiyac yoxdur.