Azərbaycanın nümayəndə heyəti Ümumdünya tərəvəzçilik mərkəzi tərəfindən Daşkənddə təşkil ediləcək tədbirlərdə iştirak edəcək. Kənd Təsərrüfatı Nazirliyindən Trend ə verilən xəbərə görə, Azərbaycan tərəfdən tədbirlərdə tərəvəzçilik ETİ iştirak edəcək.
Treninqlərin mövzusu tərəvəzçilik sahəsində aparılan təcrübə və tədqiqatlar üzrə metodikalardır. İlk treninq iyulun 30-dan avqustun 4-ə qədər olacaq.
Növbəti seminar avqustun 7-də öz işinə başlayacaq, avqustun 9-u isə koordinatorların növbəti iclası keçiriləcək.
Azərbaycanın tədbirdə iştirakı təşkilatçı AVRDC tərəfindən maliyyələşdirilib.
AVRDC 1971-ci ildə yaradılıb. Onun əsas məqsədi bütün dünyada tərəvəzçiliyin tədqiqi və inkişafı, tərəvəzlərin istehsal və istehlakını yaxşılaşdırmaqla inkişaf etməkdə olan ölkələrdə yoxsulluğun azaldılmasından ibarətdir.
