Dövlət Statistika Komitəsi qeyri-formal iqtisadiyyatın hesablanması, sahələrarası balansın təkmilləşdirilməsi üzrə milli hesabların tətbiqi üçün Beynəlxalq Valyuta Fondundan (BVF) yardım istəyib. Dövlət Statistika Komitəsinin sədri Arif Vəliyevin Trend ə xəbər verdiyi kimi, hazırda onlar BVF ilə məktublaşırlar.
Onun sözlərinə görə, qeyri-formal iqtisadiyyatın hesablanması üçün xüsusi nəzarət, ekspert hesablamaları tələb olunur və bununla əlaqədar beynəlxalq ekspekrtlərdən yardım istəyiblər.
Dövlət Statistika Komitəsinin məlumatına görə, ölkənin qeyri-formal iqtisadiyyatı bu gün 20% təşkil edir. A.Vəliyev Azərbaycanda 40-50% gizli iqtisadiyyatın olması ilə bağlı bəyanatlarla razı deyil.