Nazirlər Kabineti, Azərbaycan Sahibkarlar Təşkilatlarının Milli Konfederasiyası və Azərbaycan Həmkarlar İttifaqları Konfederasiyası 2006-2007-ci illərə baş kollektiv saziş imzalayıb.
Hökumət mənbələrindən Trend ə verilən məlumata əsasən, bu sənəddə iqtisadi siyasət, tərəflərin fəaliyyətinin və sosial tərəfdaşlığın əlaqələndirilməsi, əmək haqqının və gəlirlərin artırılması, əhalinin yaşayış səviyyəsinin yaxşılaşdırılmasını nəzərdə tutub. Hər üç tərəf sosial tərəfdaşlıq prinsipi əsasında əlaqələrini inkişaf etdirmək və sosial-əmək əlaqələri sosial dialoq, kollektiv müqavilə və sazişlər əsasında nizamlamaq öhdəliyini götürüb.
İlk növbədə tərəflər regionların və qeyri-neft sektorunun inkişafına yönəldilmiş büdcə xərclərinin formalaşdırılmasını davam etdirmək, daxili və xarici bazarlarda yerli istehsalçıların maraqlarını müdafiə etmək, malların keyfiyyətinin və rəqabət qabiliyyətliliyin artırılmasında yerli istehsalçılara köməklik göstərmək niyyətindədir. Sazişdə deyilir ki, tərəflər Beynəlxalq Əmək Təşkilatının konvensiyalara qoşulmaq üçün səy göstərəcək. ÜTT-yə qoşulmağın mənfi və müsbət nəticələri ilə bağlı məsləhətləşmələr aparılacaq. İnsarçıların məhsul və xidmətlərinin qiymətlərinin nizamlanmasına ciddi nəzarət olunacaq.
Antiinflyasiya tədbirlərinin gücləndirilməsi məqsədilə İpoteka Kreditləşdirilməsi Sisteminin Yaradılması və İnkişafı üzrə Dövlət Proqramının icrasına nəzarət etmək, Rəqabət Məcəlləsinin qəbulunu təmin etmək, ictimaiyyəti birgə monitorinqlərin nəticələri barədə daim məlumatlandırmaq və s. planlaşdırılır. Tərəflər iqtisadiyyatın bütün sahələrində ÜDM-in artırılması istiqamətində tədbirlərin davam etdirilməsi vacibliyini təsdiqləyib. 2006-ci ilə ÜDM artımı 30,5%, 2007-ci ilə - 27,3%, o cümlədən, sənaye istehsalı artımı 46,7% və 49,7%, kənd təsərrüfatı istehsalı - 11,9% və 11%, pərakəndə satış mal dövriyyəsi- 12% və 11,8%, əhalinin pul gəlirləri - 26,4% və 20,4% səviyyəsində proqnozlaşdırılır.
Tərəflər gələcək inkişaf, minimal əmək haqqının minimal yaşama minimumu səviyyəsinə çatdırmaq üçün hər rayon üzrə əmək və təbii ehtiyatlar, iqtisadi vəziyyət və infrastrukturun durumu haqqında məlumat bazası yaratmaq öhdəliyi götürüb.
Saziş danışıqlar başa çatmadıqda sənədin müddətinin daha 3 ay uzadılmasını nəzərdə tutub.