Beynəlxalq maliyyə korporasiyasının "Özəl sektorun inkişafında tərəfdaşlıq" proqramı çərçivəsində iyulun 25-dən 27-ə qədər BMK missiyasının Bakıya səfəri gözlənilir. Bu barədə Trend ə layihənin reallaşdırılması qrupundan xəbər veriblər. Səfər zamanı BMK ölkənin dövlət və özəl sektoru üçün ipoteka proqramı üzrə bölgə hesabatlarının nəticələrini təqdim edəcək.
İşçi qrupunun qeyd etdiyi kimi, hazırda beş ölkədə (Qırğızıstan, Qazaxıstan, Özbəkistan, Tacikistan və Azərbaycan) ipoteka kreditləşdirilməsi sahəsinin inkişafı üzrə texniki yardım proqramı fəaliyyətinin birinci mərhələsi tamamlanmaq üzrədir. BMK ipoteka bazarının inkişafı üçün əlverişli şəraitin yaradılması, orta və kiçik gəlirli əhalinin ipoteka kreditini əldə etmək imkanının genişləndirilməsi məqsədi ilə bu proqramın yaradılmasında təşəbbüs göstərib.
Proqram İsveçrənin iqtisadi münasibətlər üzrə Dövlət katibliyi tərəfindən maliyyələşdirilir və BMK tərəfindən idarə edilən "Özəl sektorun inkişafında tərəfdaşlıq" proqramı çərçivəsində həyata keçirilir. Proqram fəaliyyətinin nəticələrinə görə Mərkəzi Asiya bölgəsində ipoteka mənzil krelditləşməsi bazarının vəziyyətinin keçirilmiş diaqnostik tədqiqatı haqqında bölgə hesabatı hazırlanıb və sonradan bu bazarın hər bir ölkədə reallaşması üçün onun inkişafı üzrə konkret tədbirlər planı təklif edilib. Təqdimat iyulun 27-də Azərbaycan Milli Bankında baş tutacaq.
