Hazırda Bakı beynəlxalq dəniz yük limanında təxminən 400 vaqon hərəkətsiz dayanıb. Türkmənbaşı limanında vaqonlar çox ləng boşaldığından, eləcə də yüklərin bərələrlə Maxaçqala (Rusiya) istiqamətinə nəqli səbəbindən Bakıdan gələn bərələrin reys vaxtı artıb. Bu barədə Trend ə Azərbaycan Dövlət Xəzər Dəniz Gəmiçiliyinin rəisi Aydın Bəşirov xəbər verib.
Hazırda bərələr Xəzərin şərq hissəsi istiqamətində üç reys həyata keçirir. Bakıda gəmilərin yığılmasına səbəb olan fırtına nəticəsində Azərbaycan dəmir yolu Bakı-Aktau və Bakı-Maxaçqala marşrutları üzrə yüklərin daşınması üçün konvensiya elan edib.
Hazırda bu istiqamətdə Avstraliyanın giltorpağı, Ukrayna boruları Poti limanından nəql olunur. Həmçinin Gəncə alüminium zavodunun məhsulu, metal nəql olunmaqdadır. Bundan başqa, bu istiqamət üzrə hazırda blokadada olan Naxçıvan Muxtar Respublikasına da yük tədarükü həyata keçirilir.