Azərbaycanın Nazirlər Kabineti mehmanxana fəaliyyətinin lisenziyalaşma sisteminin təkmilləşdirilməsi üzrə yeni normativ sənədlər hazırlayır. Hökümətdən Trend ə verilən xəbərə görə, sənədlərə mehmanxana fəaliyyətinin lisenziyalaşma qaydaları, dövlət rüsumuna görə ödəniş, eləcə də xüsusi icazənin verilməsi ilə əlaqədar əlavə şərtlər daxildir.
Nazirlər Kabineti bu normativ aktları prezidentin mehmanxana fəaliyyətinin lisenziyalaşması barədə fərmanına uyğun şəkildə hazırlayır. Azərbaycanda bu fəaliyyətə xüsusi icazə ilk dəfə veriləcək. Lisenziyaların verilməsi Mədəniyyət və Turizm Nazirliyinə həvalə olunacaq. Lisenziyalar 5 il müddətinə nəzərdə tutulub, lakin dövlət rüsumunun məbləği hələ müəyyənləşdirilməyib.
1 iyul 2006-cı il tarixinə olan vəziyyətə görə, respublikada 159 mehmanxana və mehmanxana tipli obyekt fəaliyyət göstərir və bu, 1 yanvar 2000-ci il tarixi ilə müqayisədə 107 obyekt çoxdur.