"Kreditləşmə və kənd təsərrüfatının inkişafı" layihəsinin II fazası üzrə icmal-sorğu hazırlanacaq
Azərbaycan Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyi "Kreditləşmə və kənd təsərrüfatının inkişafı" proqramının II fazası üzrə şirkətlərin seçilməsini elan edib. Trend in agentliyin məlumatına istinadən xəbər verdiyi kimi, iştirak etmək istəyən şirkətlər sentyabrın 1-dək müraciət edə bilər.
Azərbaycan hökuməti və Dünya Bankı $2,92 mln dəyərində olan layihənin II fazasının hazırlanması üzərində iş aparır.
Layihədə əsas məqsəd bazar investisiyalarının stimullaşdırılması, kəndlərdə biznesin inkişafına yardım göstərilməsi, orta və kiçik kənd təsərrüfatı sahibkarlarına maliyyə və konsaltinq xidmətlərinin göstərilməsindən ibarətdir.
