Vergilər Nazirliyi Bakıda fəaliyyət göstərən səhmdar cəmiyyətlərin vergi borclarının 100% təminatı və qısa vaxtda ödənilməsi üçün tədbirlər görməlidir.
Vergilər Nazirliyindən Trend ə verilən xəbərə görə, nazirliyin Bakı şəhəri Vergilər Departamenti borcu olanların siyahısını dəqiqləşdirib və vergi borclarının qaytarılma mexanizminin müəyyənləşdirilməsi üçün bu gün Bakı vergi filiallarının əməkdaşları ilə III görüş keçirilib.
Hazırda paytaxtda vergi borcu olan 263 SC var. Onların borclarının ümumi məbləği 14 mln. 67 min manatdır. Araşdırmalara əsasən, özəlləşdirmə proqramlarına əsasən müəssisələrin borclarının 50-60%-i silinməlidir. Maraqlıdır ki, borcların ümumi məbləğinin 20-30%-i 60-70% borclunun payına düşür. Kiçik məbləğdə borcu olan bu SC-lər avqustun sonuna qədər borclarını tam ödəməyi öhdələrinə götürüblər.
Qalan borcların alınması üçün Vergilər Nazirliyi borcluların əmlakının siyahıya alınması üçün Dövlət Əmlakının İdarə Edilməsi üzrə Dövlət Komitəsinə müraciət etməyi planlaşdırır. Bu müəssisələrin əmlakı köhnəldiyindən, vergi orqanları SC-lərin əmlakının əvəzinə onların səhmlərinin birjada satışa çıxarılması üçün Dövlət Komitəsindən icazə almaq fikrindədir.
