Beynəlxalq Valyuta Fondu beynəlxalq normalara cavab verən yeni büdcə təsnifatının tətbiqi üzrə Azərbaycanın Maliyyə Nazirliyinə texniki yardım göstərməyə başlayır. BVF-nin Bakı nümayəndəliyinin başçısı Bazel Zavoyko Trend ə xəbər verib ki, sentyabr ayında Valyuta fondunun texniki missiyasının Bakıya səfər edəcəyi gözlənilir. Bu texniki yardımın göstərilməsini Maliyyə Nazirliyi xahiş edib.
Missiyanın tərkibinə BVF-in Gürcüstanda büdcə təsnifatı məsələləri üzrə ixtisaslaşan regional nümayəndəsi, BVF-in xəzinə departamentinin nümayəndələri daxil olacaq.
Missiya 4-5 gün ərzində ölkədə olacaq.