Azərbaycan höküməti beynəlxalq maliyyə təşkilatları nümayəndələrinin inflyasiyanın 2006-cı ilin sonunadək və 2007-ci ildə ikirəqəmli ədədə çatacağına dair bəyanatları ilə razı deyil. Onların fikrincə, gələn il üçün büdcə xərclərinin 50%-dən çox artması inflyasiyanın yüksəlməsinə təzyiq göstərəcək. Ölkənin Nazirlər Kabinetinin iqtisadi, kredit və qiymət siyasəti şöbəsinin müdiri Oqtay Haqverdiyev Trend ə məlumat verib ki, ölkə höküməti inflyasiyanı saxlamaq üçün adekvat tədbirlər görmək niyyətindədir.
Bununla yanaşı o hesab edir ki, bazar iqtisadiyyatı şəraitində təsərrüfat subyektləri özləri öz məhsullarının qiymətini təyin edirlər.
"Dövlət qiymətləri buraxıb və o, yalnız 35 məhsul növünün qiymətini tənzimləyir", - deyə O.Haqverdiyev qeyd edib. Gələn il gözlənilən enerji daşıyıcılarının qiymət artımının istehlak qiymətlərinə təsir edəcəyi məsələsinə gəlincə (o cümlədən, qazın daxili tarifləri), Nazirlər Kabinetinin şöbə rəisinin sözlərinə görə, hazırda hökümətdə bu məsələ üzrə təkliflər nəzərdən keçirilmir.
AYİB öz ilkin proqnozlarında inadlıdır. O, 2006-cı ilin yekunlarına görə 13% inflyasiyanın olacağını bildirir və təsdiq edir ki, Azərbaycanda mikroiqtisadi sabitlik hələ də həll olunmayan problemlər sırasındadır, belə ki, ÜDM-nin indiki artım templərində büdcə xərcləri sürətli templərlə artır.
BVF təsdiq edir ki, dövlət xərcləri altı ay gecikməklə inflyasiya göstəricilərinə təsir göstərirlər. Ona görə də 2006-cı il büdcəsinin xəzinə nəticələri 2007-ci ilin ortalarında özünü göstərəcək.