Azərbaycanda sementə tələbat ildə 2,5 mln. ton təşkil edir. Ölkədə qızğın tikinti işləri ilə əlaqədar hazırda bu tələbat daha da artıb. Trend in xəbər verdiyi kimi, bu barədə jurnalistlərə Azərbaycan Dövlət Gömrük Komitəsinin sədri Aydın Əliyev məlumat verib.
Onun sözlərinə görə, 8 ay ərzində ölkəyə 940 min ton sement idxal olunub. Bu, ayda orta hesabla 115-120 min təşkil edir. Sentyabr-oktyabr aylarında bu göstərici 66 min və 63 min ton sement təşkil edib.
"Azərbaycanda sementə artan tələbat daxili istehsal və idxal hesabına təmin edilir.
Bu gün "Avrosement" Rusiyanın daxili bazarında sementə tələbatın artmasını əsas gətirərək, bu məhsulun Azərbaycana ixrac həcmini azaldıb. Analoji vəziyyət İranda da baş verir. Bu amilləri nəzərə alaraq, Azərbaycanda sementin qiyməti bahalaşır", - deyə komitə rəhbəri vurğulayıb.
