2006-cı ilin yanvar-oktyabr aylarında Azərbaycanda ümumi dəyəri 1745,2 mln. manat olan tikinti işləri həyata keçirilib ki, bu, 2005-ci iln müvafiq dövrü ilə müqayisədə həmin göstəricinin 27 faiz artmasını göstərir. Dövlət Statistika Komitəsinə istinadən Trend xəbər verir ki, tikinti sektorunda göstərilən xidmətlərin ümumi həcminin 355,7 mln. manatı dövlət müəssisələrinin, 1389,5 mln. manat isə özəl müəssisələrin payına düşür.
Ümumi tikinti işləri həcminin 78,5 faizi, yaxud 1370,7 mln. manat yeni tikililərin, bərpa və genişləndirmə işlərinin payına, 11,9 faiz, yaxud 207,1 mln. manat əsaslı təmirin, 4,8 faiz, yaxud 84,5 mln. manat cari təmirin, 4,8faiz, yaxud 82,9 mln. manat digər tikinti işlərinin payına düşür.
2006-cı ilin 10 ayı ərzində tikinti sahəsində çalışanların nominal orta aylıq əmək haqqı 301,3 manat təşkil edib ki, bu göstərici 2005-ci ilin müvafiq dövrü ilə müqayisədə 19,8 faiz artıb.