...

DB Azərbaycan dəmir yolunun təkmilləşdirilməsi və institusional dəyişməsinə yardım göstərməyə hazırdır

Biznes və iqtisadiyyat xəbərləri Materials 16 Dekabr 2006 14:38

Trend-i buradan izləyin

Növbəti 4 ildə Dünya bankı Azərbaycanın nəqliyyat infrastrukturunun bərpasına 0,5 mlrd. ABŞ dolları ayırmağı planlaşdırır. Trend DB-nin aparıcı iqtisadçısı Kristian Pitersena istinadən bildirir ki, bu vəsaitlər magistral, avtomobil yollarının, eləcə də onlara yaxın yolların yenidən qurulması üçün nəzərdə tutulub.

Hazırda DB-nin maliyyə dəstəyi ilə şərq və qərb istiqamətində, Gürcüstan sərhədinə qədər tikinti işləri görülür. Bundan başqa cənub istiqamətində İran sərhədinə qədər tikinti işləri başlayır. DB xüsusilə Bakı nəqliyyat sisteminin nizamlanması və tıxacların aradan qaldırılması sahəsində tədbirləri sürətləndirmək niyyətindədir.

"Ölkənin nəqliyyat sisteminə yardım proqramı təhlilin aparılmasından sonra genişlənəcək. Sonra dəmir yolu sektorunun bərpası üzrə də işə başlamaq istəyirik. Biz hesab edirik ki, Azərbaycanda dəmir yolunun müasirləşdirilməsi və institusional islahatlar vasitəsilə dəmir yolu sisteminin böyük inkişaf perspektivləri var. Bu, dəmir yolu vasitəsilə yük axınının artması şəraitində onun potensialını artırmağa imkan yaradacaq", - deyə DB nümayəndəsi hesab edir.

2007-ci ildə dəmir yolu vasitəsilə ticarət və tranzitin dəstəklənməsinə DB 80 mln. ABŞ dolları məbləğində kredit ayırmağı planlaşdırır. 2008-ci ildə hərəkətin idarəsi və tranzit marşrutları sisteminin təkmilləşdirilməsinə 200 mln. ABŞ dollarının və növbəti iki ildə də (2009-10-cu illər) həmin məbləğdə vəsaitin ayrılması nəzərdə tutulub.

Yol layihələrinə bank vəsaitləri Beynəlxalq Yenidənqurma və İnkişaf Bankının xətti ilə kommersiya şərtləri üzrə ayrılacaq.

Xəbər lenti

Xəbər lenti