2006-cı il ərzində Azərbaycanın Audit palatası ölkə ərazisində audit fəaliyyətinin həyata keçirilməsi üçün 10 şirkət və 35 fiziki şəxsə lisenziya verib.
Palatanın sədri Vahid Novruzovun Trend ə verdiyi xəbərə görə, bu yaxınlarda həmçinin 30 nəfər imtahandan keçərək, auditin aparılması üçün hüquq əldə edib. Onlar istənilən vaxt icazə ala və auditor xidmətləri bazarına daxil ola bilərlər. 2006-cı il ərzində lisenziya müddəti uzadılan təxminən eyni sayda fiziki şəxs imtahandan uğurla keçiblər.
Hazırda respublikada 55 auditor şirkəti fəaliyyət göstərir, onlardan beşi xarici auditor firması və 60-dan çoxu müstəqil auditorlardır. V.Novruzovun sözlərinə görə, son vaxtlar auditor xidmətlərinə tələbat artır, bunu birinci yarımilliyin göstəriciləri təsdiq edir. Bu dövr ərzində audit sahəsində göstərilən xidmətlərin həcmi 70%-ə qədər artıb.
Ölkədə auditor fəaliyyətinin genişlənməsi ilə bu sahədə qanunvericiliyin təkmilləşdirilməsi zərurəti yaranır. İki yeni layihə - artıq ilk oxunuşda parlamentdə qəbul olunan "Daxili audit haqqında" və yaxın vaxtlarda parlament komissiyalarında baxılacağı gözlənilən "Auditorların peşəkar məsuliyyətinin məcburi sığortalanması haqqında" qanun layihəsi hazırlanıb. Həmçinin DB-nin ekspert dəstəyi ilə "Audit haqqında" fəaliyyətdə olan Qanun təkmilləşdirilir, orada kadr hazırlığının keyfiyyətinə nəzarəti və auditorların məsuliyyətinin artırılması nəzərdə tutulub.
