Azərbaycan,Bakı/müxbir Trend S.Əliyev/Ötən il ərzində Bakı Beynəlxalq Dəniz Ticarəti Limanının dəniz vağzalı və bərə terminalının yenidənqurulmasına 13,4 milyon manat vəsait xərclənib. Bu vəsait hesabına hər iki obyektin kapital təmiri başa çatdırılıb. Bu barədə Azərbaycan Nəqliyyat Nazirliyindən məlumat veilib.
Bərə terminalının yenidən qurulmasının başa çatdırılmış birinci mərhələsi Azərbaycanın "Azərkörpü" şirkəti tərəfindən yerinə yetirilib. Şirkət bərənin yük doldurma və boşaldılması üçün vaqonların təqdim olunduğu körpünü yenidən qurub. Bu məqsədlə Bakı limanı 3,21 milyon dollar ayırıb. Bu vəsaitlər Bakı limanının özü tərəfindən təqdim olunub.
Birinci mərhələnin başa çatdırılmasından sonra yenidənqurmaının ikinci mərhələsinə başlamaq nəzərdə tutulub. Bu mərhələyə vaqonların yüklənib boşladılması üçün ikinci körpünün tikintisi daxildir. Bərə terminalının yenidənqurulması TRACECA nəqliyyat dəhlizi çərçivəsində nəql olunan yüklərin artırılması ilə əlaqədardır. Onun yenidənqurulması gücünü ildə 8 milyon tonadək artıracaq.
Gələcəkdə (yenidənqurmanın ikinci mərhələsinin başa çatmasından sonra) həmçinin bərə terminalının sahil qurğularının bərpa olunması da nəzərdə tutulub. Bunun üçün təqribən 2 milyon dollar lazımdır. Lakin bu layihənin reallaşdırılması limanın maliyyə imkanlarından asılı olacaq.
2006-cı ildə Bakı limanında 6,04 milyon ton yük emal olunub, bu da 2005-ci ildən 5,6 faiz çoxdur. Yüklərin ümumi həcminin 83,3 faizi beynəlxalq tranzitin payına düşür (4,7 faiz artıb), ixrac yükləri 18,4 faiz artıb, idxal yükləri isə 3,2 faiz aşağı düşüb.