Azərbaycan, Bakı/ Trend müxbir Ü.İsmayılova/ Azərsıgorta dövlət sığorta şirkətinin birinci rüb üzrə sığorta gəlirləri 3,9 mln. manat təşkil edib. Bunu cümə günü şirkətin sədr müavini Aftandil Hacıyev bildirib.
Hacıyevin sözlərinə görə, bu vəsaitin 576,7 min manatı könüllü sığorta növlərinin, 3,3 mln. manatı isə məcburi sığorta növlərinin payına düşüb.
Şirkətin sığorta ödəmələri isə 991,8 min manat təşkil edib ki, bunun da 465,2 min manatı könüllü, 526,6 min manatı isə məcburi sığorta növlərinin payına düşüb.
Azərsıgorta 28 sığorta növü üzrə xidmət göstərir. Şirkətin Nizamnamə Kapitalı 1,6 mln. manat təşkil edir.
