Azərbaycan, Bakı/ Trend müxbir İ.Xəlilova/ Azərbaycan Milli Bankı BPS1000 tipli banknotların çeşidlənmə sistemi üçün qablaşdırma materiallarının alınması üçün açıq tender elan edib. Tender prosedurlari 15 iyun 2007-ci ildə saat 15.00-da Milli Bankın inzibati binasında aparılacaq.
Tenderdə iştirak etmək istəyənlər ərizə, hüquqi sənədlərin (nizamnamə, dövlət reyesteri haqqında şəhadətnamə, yaxud reyesterdən çıxarılış və s.) natarius rərəfinən təsdiqlənmiş surətini, iştirak haqqının ödənilməsi barədə bank arayışı, tender təklifinin 1 faizi dəyərində bank zəmanəti, son il ərzində maliyyə vəziyyəti barədə arayış, vergi borclarının olmaması barədə arayış təqdim etməlidirlər. İştirak haqqı isə 200 manat məbləğində müəyyənləşdirilib.
Tenderdə iştirakla bağlı təkliflər 2007-ci il 14 iyun saat 15.00, digər sənədlər isə 6 iyuna qədər Bakı şəhəri, R.Behbudov 32 ünvanına təqdim olunmalıdır.
Əlaqədar şəxs - Xəzinədarlıq Departamentinin əməkdaşı Nəbi Nəbiyev. Sorğu telefonu: 493-11-22 (daxili - 495)
