...

"Procter&Gamble", məhsullarının saxtalaşdırılması ilə bağlı Azərbaycanın Antiinhisar Dövlət Xidmətinə müraciət edib

Biznes və iqtisadiyyat xəbərləri Materials 4 May 2007 14:57 (UTC +04:00)

Azərbaycan, Bakı/ Trend müxbir İ.Xəlilova / "Procter" Azərbaycan bazarında məhsullarının saxtalaşdırılması ilə bağlı İqtisadi İnkişaf Nazirliyi yanında Antiinhisar Dövlət Xidmətinə müraciət edib. Bu barədə Dövlət Xidmətinin rəhbəri Samir Dadaşov bildirib. Onun sözlərinə görə, Antiinhisar Dövlət Xidməti artıq bu müraciətlə bağlı araşdırmalara başlayıb. Yaxın zamanlarda saxta məhsul istehsalçıları müəyyənləşdiriləcək.

Dadaşov bildirib ki, son zamanlar elektrik, santexnika avadanlıqları, tikinti materialları sahəsində məşhur firmaların əmtəə nişanlarının istifadəsi ilə bağlı bir neçə monitorinq keçirilib.

"Mən hesab edirəm ki, əgər bunlar ağır nəticələrə səbəb olursa, antiinhisar qanunvericiliyin pozulması ilə əlaqədar inzibati tədbirlər tətbiq olunmalıdır. Artıq bu cür pozuntular baş verdikdə iş qaldırırıq və yaradılmış komissiya tərəfindən tibbi ekspertizanın keçirilməsini təşkil edirik. Konkret iş üzrə faktlar öyrənildikdən sonra pozuntu törədənə qarşı ciddi maliyyə sanksiyaları tətbiq olunur" - deyə Dadaşov bildirib. Öz hakim səlahiyyətlərindən istifadə etməklə mənfəət götürdükdə gəlirin 100 faizi məbləğində sanksiya tətbiq olunur.

Xəbər lenti

Xəbər lenti