Azərbaycan,Bakı/müxbir Trend S.Babayeva/Bu gün Azərbaycanda spirtli içkilərin istehsalı ilə məşğul olan müəssisələrin əksəriyyəti ölkənin Nazirlər Kabinetinin tələblərinə cavab vermir. Bu barədə cümə günü mətbuat konfransında Azərbaycanın kənd təsərrüfatı naziri İsmət Abbasov məlumat verib.
"Bu cür müəssisələrin fəaliyyəti dayandırılacaq", deyə o bildirib.
Bu ilin əvvəlindən Kənd Təsərrüfatı Nazirliyi tərəfindən Zaqatala, Ağsu və Tovuzda keyfiyyətsiz məhsulların aşkarlanması səbəbinə görə 4 müəssisənin fəaliyyəti dayandırılıb. Spirtli içkilərin idxalı üzrə yeddi müəssisənin lisenziyası ləğv olunub.
Nazirlər Kabinetinin alkoqol içkilərinin istehsalı, idxalı və satışına xüsusi icazənin verilməsi üçün əlavə şərtlərinə əsasən, müəssisə qida etil spirtinin (tərkibdə 80%-dən az spirt konsentratı olmalıdır) illik istehsal həcmi 100 min dekalitrdən az olmayaraq konyak spirti (üzümdən), 5 min dekalitr xammal spirti (üzüm və digər meyvələrdən), 20 min dekalitr araq, 100 min dekalitr şərab (üzüm və meyvlərədən) təşkil etməlidir.
Abbasov bildirib ki, Azərbaycanda alkoqol içkilərin istehsalı üzrə 45 müəssisə fəaliyyət göstərir.