Azərbaycan,Bakı/müxbir Trend İ.Xəlilova / Azərbaycanın Maliyyə Nazirliyi mayın 4-də vergi hesab-fakturalarının hazırlanması üzrə tenderin qalibi kimi Azərbaycanın "Caşıoğlu" firmasını elan edib. Bu barədə nazirlikdən məlumat verilib.
Bu şirkətlə yanaşı tenderdə "P.N.Novruz-94" və "Xazar Etiket" istehsal-kommersiya firmaları da iştirak edib.
Üstünlük sifarişin yerinə yetirilməsinin münasib çatdırılma və qiymət şərtlərinə görə "Caşıoğlu" firmasına verilib. Firmanın təklif etdiyi sifarişin yerinə yetirilməsi qiyməti ən aşağı olub. Bundan başqa, əvvəlki sifarişi də bu firma yerinə yetirib və onun təklif etdiyi qiymət bir ciddi hesabat blankına olan dəyəri 0,06 manat səviyyəsində saxlamağa imkan verir. "Caşıoğlu" 177 min manata (ƏDV ilə) və hər birində 1 mln. ədəd olan üç mərəhələdə yerinə yetirir. Şirkət tərəfindən hesab-fakturaların iyunun 4-dən iyulun 24-nə qədər çatdırılması təklif olunub.
"Xazar Etiket" sifarişi ƏDV daxil olmaqla 182 644 manata yerinə yetirməyi təklif etmişdi. Sifariş 5 mərhələdə hər biri 600 min manat olmaqla iyunun 7-dən avqustun 8-nə qədər təhvil veriləcəkdi."P.N.Novruz- 94" isə hesab-fakturaları 182 664 manata hər birində 500 min ədəd olmaqla 6 mərhələyə iyunun 9-dan avqustun 9-a qədər təhvil verməyi təklif etmişdi.
