...

Kənd Təsərrüfatı Kreditləri üzrə Dövlət Agentliyinin vəsaitlərinin istifadəsi qaydaları təsdiq edilib

Biznes və iqtisadiyyat xəbərləri Materials 17 May 2007 15:39 (UTC +04:00)

Azərbaycan, Bakı/ Trend / Bu həftə Nazirlər Kabineti Azərbaycan Respublikasının Kənd Təsərrüfatı Nazirliyi yanında Kənd Təsərrüfatı Kreditləri üzrə Dövlət Agentliyinin vəsaitlərinin istifadəsi qaydalarını təsdiq edib.

Nazirlər Kabinetinin məlumatına görə, Agentliyin vəsaitləri layihə və proqramların həyata keçirilməsində iştirak üçün seçiləcək banklar və bank olmayan kredit təşkilatları tərəfindən öz adlarına və öz riskləri hesabına yerləşdirilir.

Kredit təşkilatları Kənd Təsərrüfatı, İqtisadi İnkişaf,  Maliyyə nazirlikləri Milli Bank və Agentliyin öz əməkdaşlarının da daxil olduğu müsabiqə komissiyası tərfindən seçiləcək.

Agentliyin vəsaitlərinin istifadəsi istiqamətləri aşağıdakılardır:

- kənd təsərrüfatı məhsullarının istehsalı və emalı;

- suvarılan torpaqların meliorasiyasının, meliorasiya və irriqasiya avadanlığı ilə təchizatının yaxşılaşdırılması;

- yeyinti məhsulları sektorunun (anbarlar da daxil olmaqla) modernləşdirilməsi və inkişafı;

- kənd təsərrüfatı texnikasının və kimyəvi maddələrin alınması;

- Azərbaycan Respublikası Kənd Təsərrüfatı Nazirliyinin pilot layihələri;

- özəl damazlıq təsərrüfatlarının yaradılması və inkişafı, heyvandarlıqda süni mayallanma tədbirlərinin həyata keçirilməsi və aqrar sektorun digər sahələri.

Mikrokreditlər min manatadək 2 il müddətinə, kiçik həcmli kreditlər min manatdan 20 min manatadək, orta həcmli kreditlər 20 min manatdan 50 min manatadək 3 ilə, böyük həcmli kreditlər 50 min manatdan 200 min manatadək 5 il müddətinədək veriləcək.

Xəbər lenti

Xəbər lenti