Azərbaycan, Bakı/ Trend müxbir İ.Xəlilova/ Azərbaycan Milli Bankı ölkədən kapital çıxarılması əməliyyatının rüsumsuz aparılmasına razılıq verib. Bu barədə Azəbayacanın Ümumdünaya Tiacarət təşkilatıana üzv qəbul olunması üzrə katibliyin rəhbəri Ədalət Muradov bildirib.
Onun fikrincə, kapiatalın hərəkətinə olan məhdudiyyətlər istisna olmaqla, "Valyuta tənzimləməsi haqqında" qanun ÜTT-nin tələblərinə tam cavab verir.
Bu gün hər kəs rüsum ödəmədən ölkədən min dollar, gömrük rüsumu ödəməklə 10 min dollara qədər pul çıxara bilər. 50 min dollara qədər vəsait isə gəlir mənbəyi göstərilməklə yalnız Bank yolu ilə çıxarıla bilər. Muradovun sözlərinə görə, ölkədə valyuta tənzimləyicisi kimi çıxış edən AMB heç bir gömrük rüsumu tətbiq olunmadan ölkədən valyuta çıxarılmasına razılıq verib ki, bu da valyuta bazarının liberallaşdırılmasını nəzərdə tutur.
"Ölkədən artıq dollar kütləsinin çıxması manatın möhkəmlənmə tempini azaltmağa imkan verəcək",-deyə Muradov hesab edir.
Dəyişikliklər xüsusi qaydalar çərçivəsində nəzərdə tutulub ki, bu da Nazirlər Kabinetinin təsdiqinə verilib.
2007-ci ildə və növbəti illərdə ölkəyə böyük valyuta axınının inflyasiyaya təsirini azaltmaq üçün Milli Bank qiymətli kağızlar alınması məqsədilə fiziki şəxslərə kapital çıxarılmasına icazə verilməsinə hazırlaşır. Bununla belə, AMB şirkət, bank, hökumətin yüksək reytinqli qiymətli kağızlarının alınmasına icazə verə bilər. Reytinq "AA"-dan aşağı olmamalıdır. Hazırlanan dəyişikliklərə əsasən, fiziki şəxslər Milli Bankın icazəsi olmadan ölkə hüdudlarından kənarda layihələrin həyata keçirilməsinə investisiya yatıra biləcək. Bunun üçün ancaq AMB-yə məlumat vermək kifayət edəcək.
