Azərbaycan, Bakı /müx. Trend Ü.İsmayılova/ A-Group sığorta şirkəti Azərbaycanın Maliyyə Nazirliyindən ipoteka kreditləşməsi əmlakının sığortası üçün lesenziya alıb. Bu barədə cümə axşamı şirkətdən verilən məlumatda deyilir.
Şirkətdən bildiriblər ki, A-Group hələlik ipoteka kreditləşməsi əmlakını sığortalamayıb. Çünki hazırda sənədlərin texniki rəsmiləşdirilməsi gedir.
Azərbaycanın sığorta bazarında 1995-ci ildən fəaliyyət göstərən A-Group 19 növdə sığorta xidməti göstərir, onlardan ikisi məcburidir. Şirkətin nizamnamə kapitalı 1,5 mln. manat təşkil edir.