Azərbaycan, Bakı /müx. Trend İ.Xəlilova / Azərbaycan hökuməti ölkənin Ümumdünya Ticarət Təşkilatına (ÜTT) qəbulu prosesi çərçivəsində texniki yardımın alınması məqsədilə müvafiq istiqamətləri müəyyənləşdirmək niyyətindədir. Bu sözləri xarici işlər nazirini müavini Mahmud Məmmədquliyev deyib.
Onun sözlərinə görə, yaxın zamanlarda İsveçrənin iqtisadi məsələlər üzrə Dövlət Katibliyindən (Seco) əqli mülkiyyət sisteminin ÜTT tələblərinə uyğunlaşdırılması istiqamətində texniki yardım gözlənilir. Bu əsasən patent və ticarət nişanlarına aiddir.
Seco ilə əldə onunan anlaşmaya əsasən, bu istiqamətdəki tərəfdaşlıq artıq bu il başlayacaq. Qurumun nümayəndələri ilə ilkin müzakirələr artıq keçib. Bakıda baş tutan müzakirələrdə onlara əqli mülkiyyət hüquqları sisteminin qanunvericiliyin analizi və treninqlərin keçirilməsi vasitəsi ilə dünya standartlarına adaptasiyasını nəzərdə tutan tədbirlər planı təqdim olunub.
Almaniya, ABŞ və İsveçrədən başqa Azərbaycana yardım göstərməkdə digər dövlətlər də maraqlıdır. Məmmədquliyevin sözlərinə görə, mümkün əməkdaşlıq sferaları gələcəkdə yaradılacaq.
