Azərbaycan, Bakı/ Trend müxbir İ.Xəlilova/ Azərbaycan prezidenti İlham Əliyev "Azərbaycan və Hindistan arasında ticarət, iqtisadi, elmi və texnoloji əməkdaşlıq komissiyası haqqında" razılaşmanın təsdiq olunması barədə sərəncam imzalayıb. Razılaşma 11 aprel 2007-ci ildə Bakıda imzalanıb.
Sərəncamda Nazirlər Kabinetinə bu sənəddən irəli gələn vəzifələri həyata keçirmək həvalə olunub.
Prezident həmçinin Azərbaycan XİN-ə qarşı tərəfi komissiyanın yaradılması barədə razılaşmanın qüvvəyə minməsi üçün rəsmi Bakı tərəfindən dövlətdaxili prosedur qaydalarının yerinə yetirilməsi haqqında məlumatlandırmağı tapşırıb.
