...

Bakı Fond Birjası ilk dəfə olaraq beynəlxalq auditor cəlb edir

Biznes və iqtisadiyyat xəbərləri Materials 29 İyun 2007 16:30 (UTC +04:00)

Azərbaycan, Bakı /müx. Trend İ.Xəlilova / Bakı Fond Birjası (BFB) idarə heyətinin sədri Xəyal Abdinovun verdiyi məlumata görə, BFB birjanın 2006-cı il ərzində maliyyə və təsərrüfat fəaliyyətinin auditinin keçirilməsi məqsədilə beynəlxalq audit şirkətinin çəlb edilməsi ilə bağlı tenden keçirir.

"Biz fəaliyyətimiz dövründə ilk dəfə olaraq beynəlxalq standartlar əsasında audit keçirmək istəyirik. Biz altı beynəlxalq şirkətə dəvətnamə göndərmişik" - deyə Abdinov bildirib.

Onun sözlərinə görə, bəzi şirkətlər onlara edilən müraciətin tarixinə görə tenderdə iştirakdan imtina ediblər. Bu arada isə 2-3 şirkət öz təkliflərini təqdim edib.

Hazırda birja auditin keçirilməsi tarixini və təklif olunan xidmətlərin dəyərini müəyyən edir.

"Bəzi şirkətlər auditin son iki il ərzində keçirilməsini tələb edirlər, ona görə ki, biz hələ auditin 2005-2006-cı ilin, yoxsa keçən ilin yekunlarına əsasən keçiriləcəyini müəyyənləşdirməmişik. Səhmdarlar auditin 2006-cı ilin yekunlarına əsasən keçirilməsini tələb edirlər və mən hesab edirəm ki, biz auditi hər il keçirəcəyik, çünki dövriyyə artır və birja inkişafın yeni mərhələsinə qədəm qoyur" - deyə Abdinov bildirib.

"Auditorun cəlb edilməsi planları fəaliyyətə başladığımız dövrdən bəri ilk dəfə olaraq keçən il gəlir əldə edilməsi ilə əlaqədardır. BFB- nın xalis gəliri 250 min manatdır. Ötən illərdə baş verən 200 min dollar həcmində itkilər isə aradan qaldırılıb.

Səhmdarların qərarı ilə gəlirin 190 min manatı dividend şəklində səhmdarlar arasında paylanıb, qalan 60 min manatı isə BFB-nın inkişafına yönəldilib,

Fond birjasının nizamnamə kapitalı 1,140 mln. manat təşkil edir. Hazırda BFB 18 səhmdara malikdir.

Xəbər lenti

Xəbər lenti