Azərbaycan bankının rəhbəri: Ganja Bank kapitalında iştirak payının 20 faizini Avropa Bankına satmağa hazırdı
Azərbaycan, Bakı/ Trend müxbir İ.Xəlilova/ Azərbaycanda yeganə regional bank olan Ganja Bank 2006-cı il üçün maliyyə-təsərrüfat fəaliyyəti üzrə auditor rəyini Avropa yenidənqurma və inkişaf bankına (AYİB) təqdim edib. Bu barədə çərşənbə günü bankın idarə heyətinin sədri Fuad Musayev məlumat verib. Beynəlxalq standartlara uyğun auditi yerli audit şirkəti AGN MAK aparıb.
Ganja Bank-ın audti ilə tanış olduqdan sonra, Avropa Bankı Azərbaycan bankının kapitalında iştirakının mümkünlüyü ilə bağlı qərar qəbul edəcək. AYİB-in səhmdarlar sırasında iştirak etməsi təşəbbüsü ilk əvvəl Ganja Bank tərəfindən irəli sürülüb ki, Avropa Bankı da regiondakı yeganə bankla işləməyə hazır olduğunu bildirib.
"Biz nominal üzrə kapitalda iştirak payının 20 faizini satmağa hazırıq", - deyə Musayev söyləyib.
Hazırda bankın nizmanamə kapitalı 10,065 mln. manatdır. Bir səhmin nominal dəyəri 20 manatdır.
Avropa Bankı səhmdarlar sırasında iştirak etmək barədə qərar qəbul edərsə Bankın səhmlərinin əlavə emissiyası buraxılabcaq. Belə ki, bankın hazırkı səhmdarları gələcək iştirakdan imtina etmirlər.
Ganja Bank 1994-cü ildə yaradılıb. Bankın 13 səhmdarı var ki, bunlardan da biri hüquqi şəxsdir ("Gəncə aeroportu" - 0,1 faiz).
