Azərbaycan, Bakı / Trend , müxbir İ.Xəlilova / Azərbaycanın Dövlət Neft Fondunun Müşahidə Şurası ölkə prezidentinin təsdiqinə vermək üçün 2008 - ci ilin dövlət büdcəsinin layihələrinə - daha dəqiq desək, onun vəsaitlərinin istifadəsinin əsas istiqamətlərinə (investisiya siyasəti nəzərə alınmaqla) , ARDNF - ın aktivlərinin illik idarə olunmasının xərc smetalarına zəmanət verib. Bu barədə cümə axşamı Dövlət Neft Fondundan xəbər veriblər. Gündəliyə Müşahidə Şurasının reqlamentinə dəyişikliklər və Neft Fondunun 2007 - ci il büdcəsinə dəyişikliklərlə bağlı məsələlər də daxil idi. Fondun icraçı direktoru Şahmar Mövsümov xəbər verib ki, gəlirlər 3 609 361 min manat, xərclər 1 680 853,6 min manat, fondun vəsaitlərinin idarə olunmaına çəkilən xərclər 9 751.6 min manat səviyyəsində müəyyən edilib. Şura bu səviyyədə büdcə göstəricilərini təqdir edib. Müşahidə Şurasının reqlamentinə dəyişikliklər növbəti ilin ilk iclasında Şura sədrinin təyinatı ilə bağlı idi. Müşahidə Şurasının iclası ARDNF Şurasına sədrlik etmək üçün yeni müddətə seçilən Baş nazir Artur Rasizadənin sədrliyi ilə keçib. 2007 - ci il üçün Neft Fondunun gəlirləri 1 555 739.6 min manat, xərcləri 1 115 566.9 min manat, Fondun aktivlərinin idarə olunmasına çəkilən xərclər 7 385.9 min manat səviyyəsində təsdiq olunub.
...