Azərbaycan, Bakı, 29 fevral / Trend / Cənubi Koreyanın Ticarət, Sənaye və Energetika Nazirliyinin Neft Departamentinin rəhbəri Li Sonqu bəyənat verib ki, ölkə hökuməti xaricdəki layihələrini reallaşdırmaq üçün neft və qaz şirkətlərinə vəsait ayıracaq. Bu haqda Rusiya KİV-ləri məlumat verib.
Şirkətin əsas - 342,8 mlrd. von məbləği 2008-ci ildə xarici layihələrə xərclənə bilər. İlk növbədə bura Qərbi Kamçatka şelfi və Azərbaycandakı "İnam" yatağından söhbət gedir.
Şirkətlər cəmi -375,6 mlrd. von (378,1 mln. dollar) alacaq ki, bunun 4 faizi Koreyanın kontinental şelfinin kəşfiyyatına gedəcək.
Hazırda Xəzərin Azərbaycan sektorunun "İnam" prespektivli strukturunun kəşfiyyat quyusunun dərinliyi 4200 metri təşkil edir.
Qazıma "İstiqlal" qazma qurğusu vasitəsi ilə həyata keçirilir. Quyunun qazılması qrafikə uyğun olaraq 200 gün ərzində davam etdiriləcək. Quyunun layihə dərinliyi -5300 metrdir.
Quyu Bakıdan 140 kilometr cənubda, təxminən 225 kvadrat metr sahəsi olan müqavilə ərazisində qazılacaq. "İnam bankası"nın minimal dərinliyi - dörd metrdir.
"İnam" layihəsinin iştirakçıları - ARDNŞ (50 faiz), BP (layihənin operatoru 25 faiz), Koreya Milli Neft Korporasiyası (20 faiz) və "Shell" şirkəti (5 faiz)
Müəlliflə əlaqə: [email protected]