Azərbaycan, Bakı, 24 aprel/ Trend müxbir E.İsmayılov/ 2010-cu ildə Xəzər regionundan neft ixracı sutkada 3,119 mln. barel təşkil edəcək, 2015-ci ildə isə sutkada 4,354 mln. barelə çatacaq. Bu barədə cümə axşamı Bakıda, ikinci Xəzər neft-qaz ticarət-nəqliyyat konfransında İranın NİORDC şirkətinin neft emalı departamentinin rəhbəri Amin İsgəndəri məlumat verib. 2020-ci ildə Xəzər regionundan neft ixracı sutkada 4,654 mln.barelədək artacaq.
2010-cu ildən Xəzərdən güman edilən ixrac həcmində Azərbaycanın payı sutkada 1,301 mln. barel, Qazaxıstan - 1,522 mln. barr. , Türkmənistan - 0,126 mln. barr. və Rusiya 0,170 mln. barr. təşkil edəcək.
İsgəndəri bildirib ki, 2015-ci ilə güman edilən həcmdə Azərbaycanın payı sutkada 1,363 mln. barr. , Qazaxıstan - 2,396 mln. barr. , Türkmənistan - 0,155 mln. barr. , Rusiya 0,440 mln. barr. olacaq.
2020-ci ildə Azərbaycandan neftin güman edilən ixrac həcmi sutkada 1,253 mln. barr. , Qazaxıstan - 2,998 mln. barr. Türkmənistan 0,078 mln. barr. , Rusiya 0,325 mln. barr. təşkil edəcək.
İsgəndəri hesab edir ki, Xəzər regionunda əsas ixrac boru kəmərlərinin gücü sutkada hazırki 2,730 mln. bareldən 4,555 mln. barelədək artırılacaq.
Onun rəyinə görə, 2015-ci ilə Azərbaycan, Qazaxıstan, Gürcüstan və İranın liman gücləri 2007-ci ildəki ildə 85,7 mln. tona qarşı 150,5 mln. ton təşkil edəcək.
Amin İsgəndəri Xəzər dənizində həll edilməmiş dövlət sərhədləri məsələsini, bazaradək məsafəni, həmçinin investisiya iqlimini Xəzər regionundan neft ixracını saxlayan faktorlar hesab edir.
Xəzər regionunda potensial neft ehtiyatları 200 mlrd. barrel təşkil edir. Təsdiq edilmiş dünya neft ehtiyatı isə 1200 mlrd. bareldir.