Azərbaycan, Bakı, 29 may / " müxbir E.İsmayılov/ Azərbaycan Dövlət Neft Şirkətinin (ARDNŞ) "Kompleks qazma işləri" tresti "Türkan" quru sahəsində neft kəşfiyyat quyusunun mənimsənilməsinə başlayır. Bu barədə cümə axşamı trestdən bildiriblər. Quyuda artıq perfarasiya işləri aparılıb. Quyunun dərinliyi 3800 metrdir.
Quyu "Abşeron" Qazma İşləri İdarəsi tərəfindən "Qala lay dəstəsi"ndə qazılıb.
ARDNŞ perspektivli "Türkan" sahəsində iki kəşfiyyat quyusunun qazma mümkünlüyünü nəzərdən keçirir. Ötən əsrin ortalarında bu sahədə artıq iki məhsuldar quyu qazılıb.
İkinci kəşfiyyat quyusunun qazılması da bu ilə nəzərdə tutulub. Quyulardan birinin 3800 metr, digərinin isə, 4000 metr dərinliyində qazılması planlaşdırılır.
Bu yataqdakı quyulardan gözlənilən təqribi debit 40-50 ton təşkil edir. Ehtiyatların qiymətləndirilməsi kəşfiyyat başa çatdıqdan sonra aparılacaq.
Məqalə müəllifi ilə əlaqə ünvanı: [email protected]
