Azərbaycan, Bakı, 05 sentyabr/ Trend Cap , müxbir A.Bədəlova/ 2010 - cu ildə Türkiyədə təbii qaza tələbat 45 mlrd. kubmetr təşkil edəcək, Türkiyənin Botas şirkətinin 2007- ci ilə görə hesabatında bildirilir. 2015 - ci ildə bu ölkənin "mavi yanacağa" tələbatı 57 mlrd. kubmetr, 2020 - ci ildə 67 mlrd. kubmetrədək artacaq.
Hesabatda bildirilir ki, 2015 - ci ildə Avropada qaza tələbat 22 faiz - 644 mlrd. kubmetrədək, 2030 - cu ildə 43 faiz - 753 mlrd. kubmetrədək artacaq.
2010 - cu ildə Türkiyə qazının 9,51 mlrd. kubmetri abunəçilərə, 13,296 mlrd. kubmetri sənayenin ehtiyaclarına, 21 mln. kubmetri elektrik enerjisi istehsalına yönəldiləcək. 2015 - ci ildə abunəçilərin ehtiyaclarını ödəmək üçün 14,534 mlrd. kubmetr, sənaye - 15,65 mlrd. kubmetr, energetika - 26 mlrd. kubmetr qaz veriləcək. 2020 - ci ildə qazın bölünməsi, müvafiq olaraq, 16,388, 17,479 və 32 mlrd. kubmetr təşkil edəcək.
2010, 2015 və 2030 - cu ildə Türkiyəyə Yunanıstana 737 mln. kubmetr qaz ixrac edəcək.
2007- ci ildə Türkiyənin alacağı qazın ümumi həcmi 35,874 mlrd. kubmetr olacaq. Bu həcmdən 1,258 mlrd. kubmetr Azərbaycan qazının (ümumi idxalın 4 faizi), 22,753 mlrd. kubmetr - Rusiya (63 faiz), 6,054 mlrd. kubmetr - İran (17 faiz), 3,255 mlrd. kubmetr - Əlcəzair (9 faiz) və 1,396 mlrd. kubmetr Nigeriya qazının (4 faiz) payına düşəcək.
Türkiyənin 2007-ci ildə idxal etdiyi qazın 50 faizi elektrik enerjisi istehsalına, 27 faizi sənaye, 23 faizi isə, abunəçilərin ehtiyaclarına sərf olunub.
Məruzədə bildirilir ki, 1998 - ci ilin oktyabrında Ankara və Aşqabad arasında imzalanan sazişə əsasən, TransXəzər boru kəməri ilə (Türkmənistan - Türkiyə - Avropa) ildə 30 mlrd. kubmetr türkmən qazı nəql ediləcək. Qazın 16 mlrd. kubmetri Türkiyə, 14 mlrd. kubmetri Avropaya nəql olunacaq.
Türkiyə şirkətinin hesabatına əsasən, 2015 - ci ilə neftə olan sutkalıq tələbat 16,8 faiz -97 mln. barelədək, 2030 - cu ildə 42,2 faiz - sutkada 118 mln. barelədək artacaq.
Müəlliflə əlaqə saxlamaq üçün elektron ünvan sap