Azərbaycan, Bakı 21 oktyabr / Trend müxbir S.Əliyev/ "Azərenerji" Səhmdar Cəmiyyəti 2009-cu ilin əvvəlində Azərbaycanın Quba rayonunda 100 MVt gücündə yeni modul elektrik stansiyanı istismara verəcək. Bunu "Azərenerji" SC-nin prezidenti Etibar Pirverdiyev ötən günü bildirib.
Yeni elektrik stansiya Finlandiyanın Vartsila şirkətinin istehsalıdır. Bu stansiya, hər birinin gücü 8,7 MVt olan 12 enerji blokundan ibarət, Bakı modul elektrik stansiyasının oxşarıdır. Azərbaycanda beş modul stansiya inşa olunub. Hazırda Bakı yaxınlığında yerləşən Sənqəçalda 300 MVt gücündə modul tipli elektrik stansiyanın inşası gedir.
Yeni stansiya ölkənin şimal regionlarının təminatı üçün nəzərdə tutulub. Belə ki, burada yeni dağ xizək istirahət kompleksinin yaradılması planlaşdırılıb.
Məqalə müəllifi ilə əlaqə ünvnanı: [email protected]
