Azərbaycan, Bakı, 11 noyabr/ Trend , müxbir A.Bədəlova/ Azərbaycan "Cənub qaz dəhlizi" realizəsi üçün ən perspektivli ölkədir, - Aİ - nin enerji məsələləri üzrə komissarı Andris Piyebalqs hesab edir.
"Türkmənistan və İraq qazın Avropaya nəqlində Cənub dəhlizindən istifadəyə böyük maraq göstərsələr də, onun realizəsi üçün ən perspektivli ölkə Azərbaycan olacaq", - nitqi rəsmi saytında yerləşdirilmiş Piyebalqs bildirib.
"Cənub qaz dəhlizi" qazın Xəzər dənizindən keçməklə, Türkiyə vasitəsilə Mərkəzi Asiyadan Avropaya nəqli marşrutudur. Dəhlizə Türkmənistandan Azərbaycana TransXəzər boru kəməri və Bolqarıstan, Rumıniya və Macarıstan ərazisi vasitəsilə Türkiyədən Avstriyaya çəkiləcək "Nabukko" qaz kəməri daxildir.
Piyebalqsın bildirdiyinə görə, Xəzər regionunun hələ ki, böyük sayda birləşdirici qaz kəməri yoxdur.
"Yunanıstan Türkiyə-Yunanıstan bəndi vasitəsilə Azərbaycandan birinci qazı alsa da, Mərkəzi Asiya ölkələrinin şəxsi qazını Avropa bazarına nəql etmələri üçün real dəhliz açmaq lazımdır, - Piyebalqs bildirib. "Türkiyə və Azərbaycan hökumətləri razılaşıblar ki, Xəzər və Mərkəzi Asiya ölkələri öz qazını Aİ-yə satmaq istəsələr, tranzitin şərtləri dəqiq müəyyən edilməlidir".
Piyebalqsın sözlərinə görə, bu mənada, ilk müsbət hadisə 2009 - cu ilin əvvəlində "Nabukko" layihəsi üzrə hökumətlərarası sazişin imzalanması olacaq. Ankara imzalama mərasimini Türkiyədə keçirməyi təklif edib.
Müəlliflə əlaqə saxlamaq üçün elektron ünvan: - [email protected]
