Azərbaycan, Bakı, 13 noyabr/ Trend / ""Azəriqaz" Qapalı Səhmdar Cəmiyyətinin abunəçilərinin sayı bu gün 1 mln. 135 min nəfərdir. 2004 - cü ildə bu rəqəm 850 min olub", - QSC - nin rəhbəri Əlixan Məlikov cümə axşamı Azərbaycan parlamentində dövlət büdcəsi layihəsinin müzakirəsi zamanı bildirib.
Məlikovun sözlərinə görə, ölkə əhalisinin təxminən 84 faizi qazlaşdırılıb - 2004 - cü ildə 62 faiz. Abunəçilərin 99 faizinə sayğaclar quraşdırılıb. Qaz, işğal edilmiş ərazilər istisna olmaqla, Azərbaycanın bütün rayonlarına verilir.
2004 - 2008 - ci illər ərzində "Azəriqaz" tərəfindən 2 min kilometrdən çox qaz xətti çəkilib ki, bunun da 290 kilometri yüksək təzyiqli qaz kəmərləridir.
"Strateji obyektlər olan yeraltı qaz anbarlarının (Qaradağ və Qalmaz) tutumu 550 mln. kubmetrdən 1 mlrd. 400 mln. kubmetr qazadək artıb", - Məlikov bildirib.
Müəlliflə əlaqə saxlamaq üçün elektron ünvan: [email protected]
