Azərbaycan, Bakı, 03 iyun / Trend Capital, müxbir E.İsmayilov /
SOCAR (Azərbaycan Respublikası Dövlət Neft Şirkəti) bu il ölkə daxilindəki layihələrə 1 milyard manat sərmayə yatırmaq niyyətindədir. Bu barədə çərşənbə günü şirkətin yüksək rütbəli nümayəndəsi bildirib.
Proqram təsdiqlənməsi üçün müvafiq orqanlara təqdim edilib, lakin hələ ki, təsdiqlənməyib", - deyə şirkətin nümayəndəsi bildirib.
Proqram şirkətin tərkibinə daxil olan 18 müəssisənin hər birinə investisiya qoyulmasını nəzərdə tutur. Proqram eyni zamanda Xəzər dənizində "Ümid" perspektiv qaz strukturunun işlənməsinə və digər kəşfiyyat işlərinə investisiyanın yatırılmasını nəzərdə tutur.
İnvestisiya proqramı ekoloji və bir neçə sosial layihələr üçün vəsait ayrılmasını da nəzərdə tutur.
Məqalə müəllifi ilə əlaqə ünvanı: [email protected]
