Azərbaycan, Bakı, 22 iyul / Trend müxbir E.İsmayılov/
"ARDNŞ-nin (Azərbaycan Respublikası Dövlət Neft Şirkəti) nümayəndələri Suriyaya yola düşüblər. Şirkətin geofizika və geologiya idarəsinin nümayəndə heyətinin bu ölkəyə səfərinin əsas məqsədi idarənin imkanlarının nümayişi və potensial müştərilərlə tərəfdaş münasibətlərinin qurulmasıdır", - çərşənbə günü ARDNŞ-də durumla tanış olan mənbə məlumat verib.
"İdarənin nümayəndələri Suriyaya konkret məqsədlərlə gediblər. Səfərin əsas məqsədi imkanlarımızın nümayişi və prespektivdə xidmətlərimizi təqdim etmək üçün şirkətlərlə danışıqlardır", - mənbə deyib.
Onun sözlərinə görə, bu istiqamətdə görülən işlərin nəticəsi haqda yalnız nümayəndə heyətinin Bakıya qayıtmasından sonra danışmaq mümkün olacaq. Razılıq əldə oluna biləcək şirkətlərin adlarını mənbə bildirməyib.
Syria-oil syatının məlumatına görə, geofizika və geologiya idarəsi Suriyanın neft və mineral resurslar naziri Sufian Allav ilə artıq görüşüb. İdarə ARDNŞ-nin müasir yol və metodlardan istifadə etməklə neft kəşfiyyatındakı fəaliyyəti haqda məlumat verib.
Məqalə müəllifi ilə əlaqə ünvanı: [email protected]
