Türkmənistan Prezidenti Qurbanqulu Berdimuhammedov bu gün ölkənin neft-qaz, energetika və geologiya sahəsinin işçilərini peşə bayramları münasibətilə təbrik edib. Məlumatı İTAR-TASS yayıb. Dövlət başçısı təbrik müraciətində qeyd edib ki, Türkmənistan dünyanın neft-qaz resursları ilə zəngin ölkələrindən biridir.
Qazın dünya bazarlarına çatdırılması marşrutunun diversfikasiyasından danışan Berdimuhammedov qeyd edib ki, Türkmənistanın ümummaraq doğuran "Nabukko" layihəsinə qoşulması üçün kifayət qədər mavi yanacaq ehtiyatı var.
Dövlət basşçısı, həmçinin "Əsrin inşası" adını alan və işə salınması cari ilin sonuna təyin edilən "Türkmənistan-Çin" qaz kəmərinin inşasının yüksək templə davam etdiyini deyib. Berdimuhammedov Türkmənistan təbii qazının Əfqanıstana daşınması, Pakistan və Hindistanda tranzit olunması perspektivinin mümkünlüyünü istisna etməyib.