Ukrayna, Kiyev, 12 oktyabr / Trend , müxbir Z. Novosvitskiy/
Türkiyədə tikiləcək neft emalı zavodunun planlaşdırılmış gücü ildə 10-15 milyon ton təşkil edəcək, ARDNŞ-in başçısı Rövnəq Abdullayev bazar ertəsi Kivevdə keçirilən mətbuat konfransında deyib.
Abdullayevin sözlərinə görə, hazırkı mərhələdə müəssisənin TİƏ hazırlanması gedir.
Yeni zavod Petkim neft kimya kompleksinin xammala olan tələbatını ödəyəcək. Neft məhsullarının qalan hissəsi isə yerli və Avropa bazarlarında satılacaq. Zavodun tikilməsi üçün ən azı 3-4 il vaxt lazımdır.
Abdullayevin mətbuat konfransında dediyinə görə, Bu gün Petkim neft kimya kompleksi 94 faiz yüklənib. Döqquz ayın yekunu üzrə, onun fəaliyyəti mənfəətli olub.
"Direktorlar Şurasında doqquz ay ərzində əldə olunan nəticələrə baxılıb və kompleksin işi mənfəətli dəyərləndirilib", - Abdullayev əlavə edib.
Bir qədər əvvəl SOCAR/Turcas Petrol/Injaz Projects şirkətlər alyansı Türkiyənin "Petkim" neft-kimya Holdinqində 51 faizlik səhm paketinin alınması üçün tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. SOCAR/Turcas/Injaz-ın Petkimin inkişafına yatıracaqları sərmayələr məhsul idxalını 30 faizədək azaltmağa imkan verir.
"Petkim Petrokimya Holding" plastik qablar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının dörddə birini ixrac edir.
Məqalə müəllifi ilə əlaqə ünvanı: [email protected]