Azərbaycan, Bakı, 21 dekabr / Trend /
"Azərenerji" Səhmdar Cəmiyyəti (Azərbaycanda elektrik enerjisinin istehsalı və paylanması) Azərbaycanın istilik elektrik stansiyasında payız-qış mövsümünə hazırlıq işlərini başa çatdırıb, SC-in məlumatında deyilir.
Azərbaycanın istilik elektrik stansiyasında 2100 meqavat gücün əldə olunması üçün planlaşdırılmış təmir işləri həyata keçirilir, V enerji blokunda orta təmir, IV enerji blokunda yenidənqurma işləri və digər enerji bloklarında isə cari təmir aparılır.
Nəticədə II və III bloklar istisana olmaqla ümumi gücü 230 meqavat olan məhdudiyyət aradan qaldırılıb. Həmçinin IV enerji blokunda 80 meqavat, digər enerji bloklarında isə 150 meqavat məhdudiyyət aradan qaldırılıb.
III enerji blokundakı yenidənqurma işləri başa çatmaq üzrədir. Bu enerji bloku istismara verildikdən sonra 80 meqavat gücündə olan məhdudiyyət aradan qaldırılacaq və bununla da enerji blokunun gücü 330 meqvata çatacaq. Bu yenidənqurma işləri paralel olaraq II enerji blokunda da davam etdirilir.
