Azərbaycan, Bakı, 19 fevral / Trend , müxbir E.İsmayılov/
ARDNŞ il ərzində "Ələt dəniz" dəniz yatağında iki yeni neft quyusunu istismara verəcək. Bu barədə cümə günü ARDNŞ-dəki mənbə deyib.
"Quyulardan birini mart-aprel aylarında istismara vermək planlaşdırılır. Onun layihə dərinliyi 3450 metr təşkil edir, artıq 3440 metr qazılıb. Quyunun gözlənilən sutkalıq debeti 40 ton neft təşkil edir", - mənbə deyib.
Onun sözlərinə görə, gözlənilən sutkalıq debeti 40 ton olan ikinci quyunun ilin sonunadək istismara verilməsi planlaşdırılır. Quyunun layihə dərinliyi 4000 metr təşkil edir, artıq 1800 metr qazılıb.
Hazırda Azərbaycanda 59 yataq var, onlardan 18-i dənizdə yerləşir.
