Türkmənistan, Aşqabad, 21 may /Trend, müxbir H.Həsənov/
Türkmənistan cümə günü dövlət əmtəə-xammal birjasında Türkmənbaşı NEZ, Seydi NEZ və Naip Qaz Emalı Kompleksinin istehsalı olan 350 min ton meft məhsullarını satışa çıxarıb. Müxtəlif istiqamətlərdə yükləmə ilə birjada 110 min ton maye qaz, 50 min ton dizel yanacağı, 100 min ton mazut, 20 min ton birbaşa qovulan benzin, 50 min ton A-92 avtobenzini, 5 min ton A-95 avtobenzini, 30 min ton kerosin, 3 min ton polipropilen satışa çıxarılıb.
Keçən həftə Türkmənistan birjasında 27 saziş qeydə alınıb. Bu razılaşmalarda neft-qaz emalı sənayesinin məhsulları da iştirak edir. Əfqanıstan A-80 və A-92 markalı avtobenzin və aviasiya kerosini alıb.
Əsas alıcılar Böyük Britaniya, BƏƏ, İsveçrə, Niderland, RF, Qazaxıstan və b. ölkələrdən olan iş adamlarıdır.
Əmtəə-xammal birjası Türkmənistanda idxal-ixrac əməliyyatlarının dövlət tərəfindən nizamlanması üzrə baş orqanın funksiyalarını yerinə yetirir.