Аzərbaycan, Bakı, 1 iyun /Trend/
ARDNŞ-nin Geofizika və Geologiya İdarəsi Xəzərin Rusiya sektorunda "Sarmatski" sahəsində mühəndis-geoloji işlər aparır. Bu barədə çərşənbə axşamı idarədən yayılan məlumatda deyilir. İşlər "Zöhrab Əliyev" gəmisi vasitəsilə həyata keçirilir.
May ayında idarə bu gəmi vasitəsilə Rusiyada "Korçaqin" sahəsində analoji işlər aparıb.
Bu il ərzində 2010-cu ilin planına uyğun olaraq, Geofizika və Geologiya İdarəsi "Xərə-Zirə", "Bulla-dəniz", "Babək", "Ağburun-dəniz", "Qərbi Abşeron" sahələrində mühəndis-geoloji qazma işləri aparıb.
"Ələt-dəniz", "Səngəçal-dəniz", "Neft daşları","Darvin Bankəsi" və digər sahələrdə müxtəlif müqavilələr üzrə analoji işlər aparılıb. İşlər "Z.Vəliyev", "Ə.Əmirov", "M.Süleymanov", "Geofizik-2" və "Orion-7" gəmilərindən istifadə olunmaqla aparılıb.