Azərbaycan, Bakı, 10 yanvar /Trend, müxbir E.İsmayılov/
"Sarmatia" beynəlxalq boru kəməri müəssisəsi Brodı-Plosk neft boru kəməri layihəsinin tikintisinin texniki iqtisadi əsaslandırmasının (TƏİ) son variantının hazırlanmasını 2011-ci ilin sonunadək başa çatdıracaq. Bu barədə Trend-ə bazar ertəsi telefonla "Sarmatiya" beynəlxalq boru kəməri müəssisəsinin baş direktoru Sergey Skripka bildirib.
Onun sözlərinə görə, layihənin TİƏ-nin son variantı yalnız layihənin ətraf mühitə təsiri haqqında hesabatı hazırlandıqdan sonra alınacaq.
Ətraf mühitə təsir haqqında hesabat və TİƏ hazırlandıqdan sonra onun hazırlanan hesabatın tələblərinə uyğun gətirilməsi üçün əlavələr olunacaq.
Həm ətraf mühitə təsir haqqında hesabat, həm də TİƏ-nin hazırlanması çərçivəsində bütün işlər başa çatdıqdan sonra "Sarmatia" Avropa Komissiyasına bu layihənin maliyyələşdirilməsi üçün ərizə ilə müraciət edə bilər.
Brodı-Plosk neft kəmərinin tikinti layihəsi Avropa İttifaqının "İnfrastruktur və ətraf mühit" əməliyyat proqramına prioritet layihələr kimi daxil edilib. Bu proqram çərçivəsində layihə üçün 495 milyon zlot (177 milyon dollara yaxın) məbləğində vəsait ehtiyatda saxlanılıb. Bu maliyyələşməni almaq üçün (bu tam maliyyələşmə deyil) beynəlxalq boru kəməri müəssisəsi bir sıra şərtləri yerinə yetirməlidir. Bu şərtlərin bir hissəsi şirkətin əvvəllər göstərilən proqramın koordinatoru qismində çıxış edən Krakov Neft və Qaz İnstitutu ilə imzaladığı ilkin müqavilədə göstərilib. İnstitut proqramın şərtlərinin yerinə yetirilməsinə nəzarət edir. Bu ilkin müqavilə çərçivəsində şirkət bir sıra əlavə tədqiqatlar aparmalı, yolu dəqiqləşdirməli, neft kəmərinin tikintisinin ətraflı TİƏ-ni hazırlamalı olacaq.
Əvvəllər "Sarmatia" Krakov Neft və Qaz İnstitutuna layihənin TİƏ-nin işçi variantını təqdim edib.
Skripkanın sözlərinə görə, institut öz növbəsində işgüzar qaydada tədricən hazırlanan sənəd üzrə iradlarını və təkliflərini verir. Skripkanın fikrincə, bir ay ərzində əlavələr edildikdən sonra TİƏ Polşanın aidiyyəti dövlət qurumlarına təqdim edilmək üçün hazır olacaq.
Bu layihənin ətraf mühitə təsirə haqqında hesabatı və TİƏ-ni Almaniyanın ILF şirkəti ahzırlayır. Əvvəllər ILF "Sarmatia"nın elan etdiyi tenderin qalibi olub. Şirkətin beynəlxalq boru kəməri müəssisəsi ilə iş təcrübəsi var. 2006-cı ildə ILF Odessa-Brodı-Plosk neft kəməri layihəsinin TİƏ-nin hazırlanmasında iştirak edib. Neft kəmərinin TİƏ-nin hazırlanamsı üçün üç şirkətdən ibarət konsorsium təşkil edilib. Konsorsiumda lider qismində məhz alman şirkəti çıxış edir.
Skripkanın qeyd etdiyi kimi, ILF artıq layihənin ətarf mühitə təsiri barədə layihəni hazırlamağa başlayıb.
"Sarmatia" Aİ fondlarından maliyyələşmənin alınmasına dair ilkin müqavilənin şərtlərinin yerinə yetirilməsi ilə bağlı işlər çərçivəsində beynəlxalq boru kəməri müəssisəsinə xidmət göstərəcək hüuqi müşavir (Polşa şirkəti) seçib.
Odessa-Brodı neft nəqli layihəsi neftin Ukrayna NEZ-lərinə tədarükünün diversifikasiyası və ölkənin tranzit imkanlarının artırılması məqsədi ilə planlaşdırılıb.
Odessa-Brodı neft kəmərinin tikintisi 2002-ci ilin aprel ayında başa çatıb. Magistral 674 km uzunluğa malikdir, borunun diametri isə 1020 mm-dir. Neft kəməri və terminalın gücü il ərzində 9-14 milyon ton təşkil edir.
"Sarmatia"nın iştirakçıları ARDNŞ (Azərbaycan Respublikası Dövlət Neft Şirkəti), Gürcüstanın "Georgian Oil and Gas Corporation Ltd." (GOGC), Ukraynanın "Ukrtransnafta", Polşanın "Przedsiebiorstwo Eksploatacji Rurociagow Naftowych Przyjazn S.A." və Litvanın "AB Klaipedos Nafta" şirkətləridir. Əsas iştirakçıların hər birinin payı 24,75 faiz, Litva şirkətinin payı isə bir faiz təşkil edir.